Tautoko | CloudLibrary

Ngā tautoko pūrere

Ka mahi te CloudLibrary™ me ngā tūmomo pūrere ī-pānui whānui, ā, kei te tāpiri tautoko haere mātou i ngā wā katoa. I tēnei wā tonu, ka taea e koe te tirotiro me te tikiake ihirangi ki ēnei pūrere e mōhitia ana:

iOS App
iPad®
iPhone®
iPod touch®

Android App
Android™ Phones
Android™ Devices

Fire App
Fire
Fire HD
Fire HDX

Tukutuku
Te nuinga o ngā putanga hou rawa o Chrome, Firefox me Edge

īkaipānui*
Te nuinga o ngā pūrere īkaipānui e hototahi ana ki Adobe Digital Editions (ADE)

*Kāore a CloudLibrary i te hototahi i tēnei wā ki a Kindle Paperwhites. Mēnā e hiahia ana koe ki te pānui i ngā taitara CloudLibrary kei tō Kindle Paperwhite, me whakapā atu ki ngā tautoko Kindle ka tono kia tukuna e Amazon kia hototahi ki a CloudLibrary.

Ngā Tino Pātai

Arowhānui

Ka āhei ahei ki te whakakore i tētahi puringa?

Mēnā e hiahia ana koe ki te whakakore i tetahi puringa, haere ki te whārangi ‘Aku Pukapuka‘ ka pāwhiri ki ‘Ngā Puringa.‘ Ka whakaatu tēnei i ngā pukapuka e pukapuka e puritia ana e koe. Patoa te taitara e hiahia ana koe ki te tango i Pupuri ka pato ki te pātene ‘Tango Pupuri‘.

Ka taea e ahau te whakarongo tuimotu ki taku pukaororongo?

Āe, e wātea ana te whakarongo tuimotu i ngā taupānga pūkoro ina tino tīkina ake tētahi pukaororongo. Kia mōhio: Ki te putaputa mai koe i te awhe whatunga ka ngaro pea te tūhononga o tētahi tikiake hohe, te purei pukaororongo rānei. Ka mate pea koe ki te pato i te tikiake, te pātene purei hoki/rānei hei tīmata anō ina pā tēnei.

Ka taea e au te whakahoki tōmua tētahi pukaororongo?

Āe, ka taea e koe te whakahoki tōmua tētahi pukapuka. Haere ki ‘Aku Pukapuka‘ ka pāwhiri ki ‘Whakahoki‘

Me hanga au i tētahi pūkete mō te CloudLibrary ake?

Kāo, ka whakamahia e CloudLibrary tāu ake pūkete whare pukapuka onāianei, kāore koe e mate ki te hanga i tētahi pūkete kē.

Me pēhea taku whakawhiti ki tētahi atu pūkete whare pukapuka?

Haere ki te ripa Pūkete ka tīpako iNgā Kāri. Tāpirihia tētahi atu kāri mā te tīpako + Tāpiri Hou.

Ina tāpirihia e au tētahi kāri whare pukapuka tāpiri, me pēhea taku whakawhiti i waenga pūkete?

Whakatere ki Pūkete > Ngā Kāri. pPatoa te Ingoa whare pukapuka/Tau kāri ka tīpako Whakamahi Kāri hei whakawhiti i waenga pūkete.

Me pēhea taku huri i ngā kōwhiringa tirotiro (rahi momotuhi, rahi tawhē, aratau pō) ina pānui īpukapuka ana?

Ka taea te toro ki ngā tautuhinga īpukapuka mā te patopato ki waenga o te whārangi. Huria ngā kōwhiringa tirotiro mā te tīpako “AA” kei te kokonga matau o runga.

Me pēhea taku hanga me te tiki atu i ngā tohuwāhi?

Hei hanga tohuwāhi, pato ki waenga o te pukapuka kia puta ai te tahua, kātahi ka pato ki te ata tohuwāhi kei te pae tahua o runga.

Hei tikiake i tētahi tohuwāhi, pato ki waenga o te whārangi kia puta ai te tahua. Kātahi ka pato i te ata o ngā rārangi huapae e 3 kei te taha matau o te pae tahua o runga. Pato ki Ngā Tohuwāhi i reira ka puta he rārangi o ō tohuwāhi. Pato te tohuwāhi e hiahia ana koe ki te haere atu.

E hia te roa e āhei ana ahau ki te pupuri i tētahi pukaororongo? E hia ngā īpukapuka ka āhei ahau i te wā kotahi?

Ka whakarite tō whare pukapuka i ngā kaupapahere tango/whakamutu mō ngā īpukapuka, ā, kei roto ko te maha o ngā rā kua tangohia e koe te pukapuka me te maha o ngā īpukapuka kua tangohia e koe i te wā kotahi.

E hia te nui o te mokowā ki taku pūrere mō tētahi īpukapuka?

He rerekē te rahi o ngā kōnae pukaororongo. Engari, ko te nuinga o ngā kōnae pukaororongo he iti iho i te 2 KP. Ko te rahi o te pukapuka ka whakaaturia ina tīpakohia ngā taipitopitoi pukapuka o te taitara. Ka taea tēnei mā te tīpako i te toi uhi pukapuka i ngā wāhi maha kei ngā taupānga.

He raru tāku kāore i te whakaritea i te whārangi Ngā Tautoko. Ki hea ahau tiki āwhina atu anō?

Me whakapā atu ki tō whare pukapuka mō ētahi āwhina atu anō.

Ka aha ina whakahoutia e au taku taupānga CloudLibrary?

Ka whakatutukihia ngā whakapaitanga ki te taupānga CloudLibrary mā ngā whakahou taupānga. Kāore e ngaro i a koe ngā pukapuka kua tangohia e koe, ngā puringa, ērā mea.

He aha te take kāore e kitea e au tētahi īpukapuka ake?

Kāore e kore kāore i tō whare pukapuka tētahi kape o taua pukapuka. Me hoko e ngā whare pukapuka tētahi īpukapuka pērā anō i ngā īpukapuka ōkiko.

He aha te take me tatari ahau mō tētahi īpukapuka? He mutungakore ngā īpukapuka?

He rite tonu te hoko a ngā whare pukapuka i tētahi īpukapuka pērā i ngā pukapuka ōkiko. Ka herea mātou e ngā kaiwhakaputa ki te hoko i tētahi kape/tauira kaiwhakamahi kotahi pērā anō i ngā īpukapuka ōkiko.

Ka taea e au te whakahou ngā īpukapuka me ngā pukaororongo kua tangohia e au?

Āe, engari kia kaua he puringa ki tētahi taitara, ā, ka kitea te pātene Whakahou ki tō ripa Aku Pukapuka i te 3 rā i mua o te mōnehutanga o tō mino.

Me pēhea taku whakawhāiti i aku otinga rapu?

Hei whakawhāiti i ō otinga rapu, patoa te ripaRapu kei raro. Patoa te ata tātari kei te kokonga matau hei tātari i te Hōputu, Wāteatanga, me te Reo.

Me pēhea taku Rapu Whatutoto?

Me whakahaere he Rapu Whatutoto mā te pato ki te pae rapu kei runga o te mata. Pato kiRapu Whatutoto ka hoatu i ngā tātari e pīrangi ana. Pato ki Rapu i raro ina oti ana e taea ai e ngā Kaiwhakamahi te hoatu tātari mā te Taitara, Kaituhi/Kaikōrero/Kaiwhakatika, Rangatū, ISBN, Rā Whakaputa, Wāhanga, me te Kaupapa. Mā te hoatu i tētahi tātari kotahi, neke atu rānei, ka nui atu te puta o ngā otinga whāiti ake.

He aha te take kāore e kitea e au taku whare pukapuka i roto i te takaiho whare pukapuka?

Ka whakapā atu a CloudLibrary ki ngā whare pukapuka ki te tuku i tā mātou pūhara ki ā rātou kiritaki. Mēnā e hiahia ana koek i te whakamahi i a CloudLibrary me tō whare pukapuka, me whakapā atu ki tō whare pukapuka.

iOS

Ka taea e te Taupānga CloudLibrary iOS te pānui kiriwaha i ngā kuputuhi kei te mata ki ahau? (Kōrero-ki-Kuputuhi)

Ka a CloudLibrary i te hototahitanga whakarato kōrero ki kuputuhi mā tā mātou taupānga iOS.
Mā te uru ki te urutaunga urutanga ka taea e koe te whakatere me te tango pukapuka i CloudLibrary.

Ki te pūrere iOS, haere ki Ngā Tautuhinga > Urutanga > Reo Āpiti ka reti i te pātene ki te taha mauī hei whakahohe.

Kia mōhio mai, ina whakahohea tēnei āhuahira, ka patoa e koe tētahi pātene, kupu rānei hei tīpako ka pato rua hei huaki, hei whakahaere rānei. Waihoki, hei miri me whakamahi i ngā matimati e rua kaua kia kotahi. Ina oti tērā, me whakatere ki te CloudLibrary. Takiputa ka huaki i tētahi pukapuka kātahi ka tīmata te pukapuka ki te pānui.

Mō ētahi mōhiohio atu anō mō te ReoĀpiti, tirohia www.apple.com/accessibility/ios/voiceover/
Mō ngā tautoko mō te whakahohe i te ReoĀpiti, tirohia https://support.apple.com/guide/iphone/turn-on-and-practice-voiceover-iph3e2e415f/ios

He aha te take kāore e taea e au te whakarongo ki taku pukaororongo i Safari i runga i taku pūrere iOS?

Hei whakarongo ki tētahi pukaororongo ki tō pūrere iOS, me tikiake i te putanga iOS o te taupānga CloudLibrary.

Android

He hototahitanga Kōrero-ki-Kuputuhi tō taupānga CloudLibrary Android?

Ka taea ngā īPukapuka CloudLibrary mā te whakamahi te aratau Android TalkBack. He tauwhāiti te taumahinga ki tō pūrere, ā, ka taea te whakahohe i ō tautuhinga urutaunga.

Mō ētahi mōhiohio atu anō mō Android TalkBack, tirohia https://support.google.com/accessibility/android/answer/6283677

Paparorohiko Fire

Ka taea e au te tāmuramura ina whakamahi au i taku Fire?

Kaore e tautokona e ngā putanga tawhito ake o Fire OS tae atu ki te Fire OS 5.7 i te tāmuramura.

Kiritaki tukutuku/īkaipānui

Ka aha mēnā ka tiakina e taku pūtirotiro te kōnae kua tīkina ake hei .txt?

Topengamata: Pouaka kōrero tikiake kōnae pūtirotiro

I ētahi wā ka tautuhia ngā pūtirotiro hei tiaki i tētahi kōnae hei momo tauwhāiti. Ina tikiake koe, ā, e whakaatu ana koe i te pouaka i raro, me kōwhiri "tiaki kōnae" ka whakamahi i te ingoa kōnae taunoa – titleofthebook_ISBN.acsm

Me huaki i te Adobe Digital Editions ka haere tonu mai i te Hātepe 7 o ngā tohutohu tikiake kiritaki tukutuku hei huaki i te kōnae.

Chromebook

Ka taea e au te tā whārangi mai i ngā īpukapuka, te tā rānei mai i aku tohuwāhi?

Kāo, i tēnei wā kāore he kōwhiringa hei tā ihirangi mai i ngā īpukapuka.

Ngā raru arowhānui

Kei te raru taku takiuru, ā, me tautuhi anō au i taku kupuhipa

E whirinaki ana te CloudLibrary i tō pūnaha whakahaere kiritaki a tō whare pukapuka mō te whakahaere kupuhipa, ā, kāore e taea te whakahou. Tirohia te paetukutuku a tō whare pukapuka kia mōhio ai mēnā e whakaaetia ana ngā tautuhi anō pine/kupuhipa mai i reira. Mēnā karekau, me haere ki tō whare pukapuka ka tono āwhina hei whakahou i tō pine ko te tikanga mā tēnei e whakatika i tō raru.

Kei te hiahia au i ngā hātepe raparongoā arowhānui hei āwhina ki te whakatika raru tikiake me te whakawātea rokiroki i te taupānga pūkoro

Me whai i te tukanga i raro kia wātea mai ai he rokiroki kua whakamahia e te CloudLibrary ki tō pūrere. Ka ūkuia hoki e tēnei te keteroki hei āwhina ki te whakatika hapa na ngā tikiake i haukotia, ngā whakahou pūnaha, te whakapai noa rānei i te raparongoā i roto i te taupānga pūkoro.

Pūrere iOS:

Te whakarite he kaha te tūhonoga whatunga
Takiputa i te taupānga CloudLibrary (mā te pato ki te Pūkete > Takiputa)
Miri mai i te taupānga CloudLibrary
Tangotāuta i te taupānga
Whakawetoa te pūrere mō te 1-3 meneti (pēhia tonutia te pātene hiko kia puta rā anō te mata kati ka kōwhiri kia katia.)**
Whakakāngia te pūrere
Tāutahia anōtia te taupānga CloudLibrary mai i te Pātaka Taupānga
Takiuru ki te taupānga CloudLibrary

Pūrere Android:

Te whakarite he kaha te tūhonoga whatunga
Takiputa i te taupānga CloudLibrary (mā te pato ki te Pūkete > Takiputa)
Miri mai i te taupānga CloudLibrary
Whakatere ki Ngā tautuhinga ki tana pūrere Android me ka tīpako Ngā taupānga
Mai i konei, tīpako CloudLibrary ka whakatere ki Rokiroki
Tīpako Ūkui raraunga me Ūkui keteroki
Takiuru ki te taupānga CloudLibrary

Kei te whiwhi au i te karere Adobe Fulfillment E_ADEPT_REQUEST_EXPIRED

Topengamata: Karere hapa Adobe Fulfillment

Tuatahi, me tirotiro i roto i te pukapuka kei te raruraru koe. Kātahi ka whakawetohia tō pūrere mō te 30-45 hekona. Whakakāngia anō ka taki mai i te pukapuka. Mēnā he rārangi pupuri kei reira, me whakapā atu ki tō whare pukapuka mō te whakatika i te rārangi pupuri.

Mēnā ka raruraru tonu, me whakaū kei te tika te wā me te rā onāianei.

Kei te whiwhi au i tētahi karere E_ACT_TOO_MANY_ACTIVATIONS

Me haere ki te Whārangi Adobe Reset page ka whakakī i te puka ki tērā e tino taea anō e koe. Ka tukuna e mātou te tono mōu ki te Adobe.

Kei te whiwhi au i te karere E_STREAM_ERROR: CURL

Topengamata: Karere hapa whakatutukitanga

Tuatahi, me tirotiro i roto i te pukapuka kei te raruraru koe. Kātahi ka whakawetohia tō pūrere mō te 30-45 hekona. Whakakāngia anō ka taki mai i te pukapuka. Mēnā he pupuri kei reira, me whakapā atu ki tō whare pukapuka mō te whakatika i te rārangi pupuri.

Kei te whiwhi au i te karere E_ACT_NOT_READY

Tuatahi, tangotāutahia te taupānga CloudLibrary mai i tō pūrere. Kātahi ka whakawetohia te pūrere mō te 30-45 hekona. I muri mai, me whakakā anō i tō pūrere. Ko te mea whakamutunga, tangotāutahia anōtia te taupānga cloudLibrary.

Kei te whiwhi au i te karere E_AUTH_BAD_DEVICE_KEY_OR_PKCS12

Kei te whiwhi au i tētahi karere Hapa Pureianō

Pato ĀE hei haere tonu. Ki te kore e tīmata anō te ororongo, takiputa i te CloudLibrary kātahi ka takiuru anō. Mā tēnei tīmata te ī-Pukaororongo ki te tikiake anō.

He raru rerekē tāku, ā, me whiwhi āwhina atu anō

Mēnā kāore te ariari i roto i te ripa Ngā tautoko, me whakapā atu ki tō whare pukapuka mō ngā āwhina atu anō. Ka tere ake pea tō otinga mēnā ka whakauru e koe ēnei mōhiohio:

Pūrere/Putanga OS
Putanga taupānga CloudLibrary (Pūkete> Mō)
Ētahi atu mōhiohio hāngai